LEO KATIKA MAHUSIANNO:FAHAMU NAFASI YA UONGO KATIKA MAPENZI - 3

NINA Imani Mtakuwa Wazima Wa Afya Njema Na Mpo Tayari Kupokea Kitu Kipya Kutoka Katika Ukurasa Huu. Kwa Upande Wangu Nipo Sawa Kabisa. Siri Ya Kutokuwa Mtumwa Wa Mapenzi Ni Kujifunza. Jenga Tabia Ya Kujifunza Kila Siku Ili Uweze Kukomaza Uwezo Wako Katika Sayari Ya Mapenzi.

Marafiki Zangu, Msingi Hasa Wa Mada Hii Si Kuwafundisha Watu Wawe Waongo Au Kutetea Uongo Unakubalika Katika Mapenzi, La Hasha! Ninachojaribu Kueleza Katika Mada Hii Ni Kwamba, Kuna Wakati Ukweli Wako Unaweza Kuharibu Uhusiano Wako Na Mwenzako.

Hapa Katika Let’s Talk About Love Ninakuonyesha Baadhi Ya Maeneo Ambayo Yanakubalika Kudanganya (Kwenye Uhusiano) Ili Kujenga Uhusiano Ulio Imara. Sasa Twende Tukamalizie.

Ulikuwa Wapi?

Inawezekana Upo Kwenye Ndoa Na Kwa Bahati Mbaya Jioni Wakati Wa Kurudi Nyumbani Ulipitia Kwenye Mambo Yako (Siyo Usaliti Lakini) Na Pengine Hutaki Mkeo Afahamu Kwa Sababu Zako Binafsi.

Ili Kukwepa ‘Usumbufu’ Wake, Ukaamua Kuzima Simu Na Kuendelea Na Ratiba Zako Hadi UlipokUwa Sawa Na Kuanza Safari Ya Kurudi Nyumbani. Mkeo Kwa Wasiwasi Anakuuliza Maswali Huku Akitaka Kujua Ni Kwa Nini Ulizima Simu Na Mahali Ulipokuwa.

Kwa Kuwa Hukuwa Sehemu Mbaya Na Hutaki Ajue, Uongo Wa Kumwambia Kwamba Ulikuwa Kwenye Kikao Unakubalika Katika Eneo Hili.

“Samahani Mpenzi Wangu, Niliingia Kwenye Kikao, Kilikuwa Cha Ghafla. Bosi Alituita Bodi Nzima, Nisingeweza Kuingia Na Simu Ikiwa On, Lakini Unisamehe Mama, Nilisahau Kukujulisha Kutokana Na Presha Ya Kikao Chenyewe, Maana Kwa Sehemu Kubwa KIlihusu Idara Yangu,” Uongo Huu Utainusuru Ndoa Yako Huku Ukiendelea Kuwa Mwaminifu Kwa Mwenzako.

Vipi Kuhusu Kusifia?

Wakati Mwingine Ili Kumfanya Mpenzi Wako Ajisikie Kamili Unatakiwa Kumsifia Sana. Kikubwa Ni Kwamba Kutoka Ndani Ya Moyo Wako Unampenda Kwa Mapenzi Yako Yote, Msifie Kadiri Uwezavyo Ikiwezekana Sifa Ambazo Hana.

Utakuwa Unamdanganya Kwamba Yeye Ni Mzuri Zaidi Ya Miss Tanzania, Lakini Ukijua Kwamba Umeridhika Naye. Hakuna Sababu Ya Kumuacha Akiwa Na Mawazo, Akijifananisha Na Watu Wengine MAarufu, Akijihisi Kwamba Pengine Hakufai.

Mpe Moyo, Mwambie Boyfriend Wako, Anakuvutia Kuliko Ray Na Hemedi. Unajua Akianza Kujiamini Yeye Ni Bora Zaidi Ya Mastaa Wanaozimikiwa Na Wadada Wengi, Atakuwa Huru Zaidi Kwako.

Jamaa Anaweza Kuwa Wa Kawaida Tu, Lakini Ni Wako Na Upo Tayari Kuwa Naye Kwa Hali Yoyote, Kwa Nini Usimsifie Ili Muendelee Kudumu? Bila Shaka Umepata Kitu Kipya! Uongo Wakati Mwingine Unaokoa Penzi.

Hadi Wiki Ijayo Kwa Mada Nyingine, Usikose!

Joseph Shaluwa Ni Mshauri Wa Mambo Ya Mapenzi Anayeandikia Magazeti Ya Global Publishers, Ameandika Vitabu Vya True Love, Let’s Talk About Love Na Who Is Your Valentine Vilivyopo Mitaani.