Kabila aongoza kwenye uchaguzi DRC

Rais Joseph Kabila wa Jamhuri ya Kidemokrasia ya Kongo anaongoza kwa asilimia 46 ya kura zote, matokeo yanavyoonyesha.

Ikiwa zaidi ya robo tatu ya kura zikiwa zishahesabiwa, mpinzani wake mkuu, Etienne Tshisekedi, ana aslimia 36, tume ya uchaguzi imesema.

Malori yaliyobeba polisi wa kuzuia ghasia wanapiga doria katika miji mikuu iwapo patatatokea vurugu, matokeo yote yakitarajiwa kutolewa siku ya Jumanne, huku kukiwa na madai ya kuwepo udanganyifu.

Takriban watu 3,000 walikimbia mji mkuu, Kinshasa, mwishoni mwa juma.

Uchaguzi wa Jumatatu iliyopita ni wa pili kufanyika tangu vita vya mwaka 1998-2003 kumalizika rasmi, ambapo takriban watu milioni nne walifariki dunia.

Makundi yenye silaha yanaendelea kufanya shughuli zao mashariki mwa nchi hiyo, yenye ukubwa wa theluthi mbili ya Ulaya ya Magharibi.

Mwandishi wa BBC Thomas Fessy mjini Kinshasa alisema wafuasi wa Bw Tshisekedi wanasisistiza kashinda na kuna uwezekano mkubwa hawatokubali kushindwa katika uchaguzi uliogubikwa na madai ya wizi wa kura.

BBC SWAHILI